حوزہ نیوز ایجنسی کی رپورٹ کے مطابق، ملک میں حالیہ حملے کی طرف اشارہ کرتے ہوئے پاکستانی اخبار’’ ڈان‘‘ نے دعویٰ کیا ہے کہ طالبان کے آڈیولوجیکل بھائی پاکستان کے خلاف مزید حملے کر سکتے ہیں، اس اخبار نے لکھا کہ صرف رواں سال کے پہلے تین مہینوں میں پاکستان کے سیکورٹی اپریٹس کے 267 اہلکار مارے گئے، پاکستان کے سینٹر فار سیکیورٹی اسٹڈیز نے اپنی رپورٹ میں افغانستان کی جیلوں سے داعش کے کم از کم 60 دہشت گردوں کی رہائی پر تشویش کا اظہار کرتے ہوئے کہا ہے کہ رہا ہونے والے عناصر پاکستان میں داخل ہوئے ہیں اور پشاور میں اقلیتی برادری پر حملوں میں ملوث ہیں۔

ادھر پاکستانی وزارت خارجہ کی ترجمان ممتاز زہرا بلوچ نے پریس کانفرنس میں افغان حکومت کو مخاطب کرتے ہوئے کہا کہ دہشت گردوں کو پاکستان میں داخل ہونے سے روکا جائے، یہ اس حقیقت کے باوجود ہے کہ افغانستان کی حکومت نے ہمیشہ ایسے دعووں کی تردید کی ہے اور اس بات پر زور دیا ہے کہ افغانستان کی سرزمین کسی ملک کے خلاف استعمال نہیں ہونے دی جائے گی۔

گزشتہ ہفتے پاکستان کے نمائندہ خصوصی برائے افغانستان آصف درانی کے بیان کے جواب میں افغان حکومت کے ترجمان کے معاون بلال کریمی نے کہا تھا کہ ہم تجاوزات پر خاموش نہیں بیٹھیں گے۔

اسی طرح انہوں نے کہا تھا کہ ہم کسی شخص یا گروہ کو افغانستان کی سرزمین ہمسایوں کے خلاف استعمال کرنے کی اجازت نہیں دیں گے، اسی طرح انہوں نے کہا تھا کہ افغانستان ایک آزاد اور خودمختار ملک ہے اور افغانستان پر کسی بھی قسم کی تجاوزات قابل مذمت ہیں اور ہم اس کے حوالے سے خاموش نہیں بیٹھیں گے۔